بيكاتا الفراخ بالماشروم

ازيكم ياقمرات طبقنا انهاردة هو بيكاتا الفراخ بالماشروم

ايه رائيكم نشوف صورة وبعدين نكمل يلا بينا

اولا هو طبق سريع ولذيذ ومكوناته بسيطة انا شوفت سلمى فى البيت عملته
ونفذته فورا وطلع تحفة

بس هى اضافتله بسلة سوتيه معلقتين لاكن انا مضيفتش نشوف المكونات

{1}نصف فرخة مخلية او بانيه

{2}ماشروم

{3}فصين توم

{4}معلقتين زيت درة

{5}ملح وفلفل اسود وبهارات ورشة قرفة صغيرة

{6}نصف كوباية ماية ومعلقة دقيق كبيرة

اولا نقطع البانيه شرايح زى كدة

احضر الطاسة التيفال بتعاتنا وننزل فيها معلقتين الزيت يسخنو ونروح منزلين
شرايح الفراخ عليها

تاخد لون ونقلبها على الناحية التانية ونقطع فصين التوم وينزلو يتشوحو مع
قطع الفراخ

وبعد ماتاخد لون من الناحيتين نجهز الماشرو عشان ينزل على قطع الفراخ

بعد ماضيفت الماشروم ضيفت معاه شوية ماية صغير وقلبت وحطيت الملح والبهارات
والفلفل ورشة القرفة
وجهزت معلقة الدقيق مع باقى الماية وقلبتها

اول ماغليت صبتها على الفراخ والماشروم وتقلبتين هتلاقيها بدات تغلى

شايفين يادوب مش صوص كتير يادوب تستوى فيه وهى اصلا مااخدتش وقت ربع ساعة
وبقت تمام

ريحتها وطعمها جناااااااااااااااااااان بجد روعة

وادى النتيجة

وقدمت معاها طبق رز عين الكتكوت هابقى انزل طريقته

انا كدة خلصت واى سؤال تحت امركم ياجميلات

ماي ايجي كركر

» شاورما الفراخ
» الفراخ البروست بطريقه خطيرررررررررره اخر حاجه