كفتة الدجاج بالجبن

كفتة الدجاج بالجبن


...المكونات...

500 جم دجاج
مفروم - 1 حبه متوسطة بطاطس مسلوقه 3/4 سلق
بصله صغيرة مفرومه ناعم او 1 م ص بصل مجفف
1 م ص من : ملح وفلفل بابريكا
وبهارات دجاج وكسبرة وكمون وجنزبيل وكارى
البهارات كلها من عندى\ لان الوصفه
اصلا بالريحان المجفف وارويجانو والهيل والكسبرة والكمون
يعنى ممكن تغيرى التوابل حسب الرغبه




الصورة فيها
2بطاطس بس استعملت واحده فقط
بالمبشرة الرفيعه نبشر حبة البطاطس
ونخلطها مع الفراخ والبصله والبهارات
واهم خطوة انك تصفى الفراخ المفروم
تماما من الماء
ولو حسيتى ان العجينه بتلزق نضيف 5م ك
دقيق + 1/2 كوب بقسماط

هنا اضفت الدقيق و البقسماط المطحون
ودخلتها التلاجه ساعتين او من بالليل


نبدأ التشكيل

هنحتاج ل 3 حبات كيرى وكل قطعه على 4

او اكتر حسب الرغبه
(الوصفه كانت بخليط من الجبن
والمشروم والبقدونس )
بس انا باحب الكيرى لوحدها وليكى
الحريه فى الاختيار


تدهنى ايدك
بنقطه زيت ونعمل قرص ونحط قطعه من الجبنه ونقفل الاطراف ونكورها


نقلبها فى
البيض ثم فى البقسماط
طبعا هى فيها دقيق مش محتاجه تانى


هنا ماشاء الله
عملت من 500 جم نوعين كفته
الاول كور عاديه بدون حشوة وحطيتها
على صينيه بطاطس نى فى نى مع بصل وطماطم وفلفل اخضر وبهارات ومعلقه صلصه
وكوب ماء وغطيتها بالفويل وعلى النار من فوق 10 دقايق
وبعدين على الفرن لغاية ما استوت
وكانت جميله وخفيفه جدا

والتانى طبعا الكفته بالجبنه ومغطاه
بالبيض والبقسماط ندخلها الفريزر ربع ساعه قبل القلى
وممكن تحفظيها فترة وتطلعيها وقت
الطوارئ للقلى مباشرة فى زيت غزير ساخن
ونهدى النار شويه عشان تستوى من
الداخل وبعدين نعلى النار ونكمل على الوجهين








ودى بفضل
الله كانت وجبتنا المتواضعه والخفيفه
اتفضلوا معانا وادخلوا برجليكم
اليمين وسموا الله





الجبنه وهى لسه سخنه



وهنا لما بردت شويه وبقت متماسكه الحمد
لله




zooooooommm



وفى النهاية اتمنى اكون افدتكم ولو

بالقليل