فرخه مشويه بالكيس طريقه جديده

النهارده حقولكم على طريقه جديده لفرخه مشويه بالفرن
ولكن داخل الكيس الحرارى وده موجود فى السوبرماركت

نبدا بالمقادير = فرخه وزن كيلو على الاقل وممكن ازيد-- م ك زيت زيتون او
ذره-- ع ليمونه-- م خل -- م ك

كمون وكسبره ناعمه وكركم--ملح وفلفل-- م بابريكا-- نص م شطه-- ثوم وجنزبيل
مفروم-- فلفل اخضرمفروم--

2 بصله مفرومه--خضار عباره عن = 2 بطاطس -- 2 كوسه -- 2 جزره كلهم مقطعين
قطع كبيره علشان مايتهريش

الطريقه=

نجهز كيس الفرن قبل الاستعمال بان نحط فيه شويه دقيق ونقلبهم فيه كويس من كل
الجهات علشان لما نحط الفرخه مايلزقش فيه وبعدين نفضى باقى الدقيق الزايد
من الكيس ونتركه جانبا لحين الاستعمال

--نغسل الفرخه كويس جدا بالطريقه المعروفه بالدقيق من جوه وبره --

-- فى طبق نجهز الحشو = نحط مقدار الزيت مع كل المقادير والبصل عليهم
ونقلبهم مع بعض كويس ونحشى بيهم الفرخه من جوه وبره وتحت الجلد كمان وباقى
الحشوه بقلبها فى مقدار الخضار اللى عندنا المقطع

--نخرم الفرخه بالسكين عده خروم وندخلها الكيس ونحط حوليها الخضار المتبل
معاها بالكيس ونقفل عليهم

بالقفل الخاص الموجود تبع الكيس
ونحطهم فى صينيه الفرن ونخرم الكيس بالشوكه من الحروف لدخول الهوا ويساعد
فى التسويه خلوا بالكوا وندخلها الفرن ساعه ونقدم معاها ارز ابيض وسلطه
خضرا وبالهنا والشفا

--وكدا بيكون عندك اكله سهله وسريعه الفرخه المشويه بالفرن والخضار
والتتبيله الرائعه طعمها يجنن والارز والسلطه اكله مناسبه قوى وخصوصا اننا
الايام دى كلنا بنحضر للعيد وتنضيف الشقه ومافيش وقت للطبخ

--جربوها ومش حتندموا وان شاء الله تنال رضاكم وللامانه انا وخداها من منال
العالم ودايما بعملها

كل سنه وانتم طيبين وعيد سعيد علينا وعلى مصر الحبيبه بالامن والامان وكل
الدول العربيه يارب وارجو التقييم والدعاء

والسلام عليكم ورحمه الله واسيبكم مع الصور ياقمرات

ماي ايجي كركر

» :: بالفيديو جميع انواع الكيك اكتر من 25 طريقه :::
» الفيلم الوثائقى الرائع " جثث متجمدة " مراكز تجميد الموتى وذلك اعتقادا ان يكتشف العلم طريقه للعودة للحياة - جودة عالية وتحميل مباشر
» لعبه الاكشن وسباق الدراجات الناريه Trials Evolution Gold Edition فى اصدارها الذهبى مضاف اليها مراحل وتحديثات جديده نسخه ريباك بحجم 1.7GB + نسخه كامله بحجم 3.4GB على اكثر من سيرفر
» لعبه الاكشن وسباق الدراجات الناريه Trials Evolution Gold Edition فى اصدارها الذهبى مضاف اليها مراحل وتحديثات جديده نسخه ريباك بحجم 1.7GB + نسخه كامله بحجم 3.4GB على اكثر من سيرفر