طريقة عمل الحلاوة الطحينية في البيت

ازايكم يا احلي فتاتيك
دا اول موضوع ليا في القسم
انا شفت فيديو مميز للشيف اسامة عن طريقة عمل الحلاوة ولاقيتها سهلة خالص
فقولت لازم اخواتي يستفادوا مع بداية العام الدراسي

المقادير
1 ك سمسم
1 ك طحينة سايبة
1/2 ك عسل نحل
ا م ك هيل مطحون ( حبهان )
1 م ك ماء زهر
الطريقة
نطحن السمسم في الكتشين ماشين لغاية ما يبقي زي البودرة ويطلع الدهن والزيت
اللي فيه
وبعد كدة وهو بيطحن نضيف الهيل المطحون ثم نضيف الطحينة وبعدين العسل
وبعدين نزود طحينة كمان وبعدين نضيف ماء الزهر وكل دا واحنا مشغلين الطحن
لغاية لما يبقي الخليط زي العجين
نطفي ونحط الحلاوة علي طول في قالب الكيكة اللي بيتفتح عارفينه ونضغط علي
الحلاوة علشان تمسك في بعض ونزوقها ب الفسدق او اللوز الو حتي نضيف ليها
شكولاته سايلة ونحطها في الثلاجة هنطلعها ونشيل القالب ونقطعها وبالهنا
انا يا بنات بكتبلكوا الموضوع دا وانا تعبانة والله بس قولت انزله علشان
مكسليش ياريت اللي تشوف الموضوع ويعجبها تقيمه علشان يتفتح نفسي وابقي
زبونة عندكم في القسم
وياريت تدعولي بالشفا

» طريقة عمل الرواني
» طريقة عمل الكاب كيك
» طريقة الجلاش باللحمه المفرومه